МІНСК, 27 ліп — Sputnik. Мінгарвыканкам вырашыў зафарбаваць мурал "Чалавек без твару" на вуліцы Варанянскага, створаны грэцкім мастаком iNO.
Пра тое, што графіці будуць зафарбоўваць, мастак меркаваў, распавялі арганізатары праекта Urban Myths, у рамках якога мастак прыехаў у Беларусь. Яго праца на банку Фларыды з выявай відэакамеры і алюзіяй на ўсюдыісную моц капіталу была прыбраная па ініцыятыве банка.
З таго моманту, як вакол "Чалавека без твару" ў Мінску пачаліся дыскусіі, мастак быў гатовы да таго, што мурал знікне. У любым выпадку, публічнае выказванне ён ужо зрабіў, а далей справа за горадам.
У свой час мурал трапіў у спіс лепшых работ у свеце за месяц. Але ад жыхароў суседняга дома паступалі і скаргі — некаторыя з іх сцвярджалі, што мурал настройвае на дэпрэсіўны лад. Мінгарвыканкам у 2016 годзе пастанавіў графіці прыбраць або змяніць, але гэта рашэнне насіла рэкамендацыйны характар.
Арганізатар праекта Urban Myths, у рамках якога стваралася графіці, Алег Ларычаў распавёў карэспандэнту Sputnik, што ад жыхароў паступіла тры скаргі, але не менш было і пазітыўных водгукаў. У малюнку кожны бачыў нешта сваё — хтосьці наркамана, хтосьці нават хакеіста. Сам мастак хацеў нагадаць гараджанам пра нявінна забітых людзях.
"Пажылая жанчына распавяла мне, што мурал у яе асацыюецца са свечкай надзеі, святлом у канцы тунэля", — растлумачыў Ларычаў.
Праект Urban Myths ствараўся для таго, каб мастакі з розных краін свету маглі выказаць у муралах свае адчуванні ад прыезду ў Беларусь. У рамках праекта з'явіліся шматлікія графіці на сценах дамоў. Прычым калі вулічнае мастацтва ў цэлым існуе аўтаномна ад гарадскіх уладаў, то на такія працы ва ўсіх краінах патрабуецца дазвол. Ларычаў растлумачыў, што ў Італіі сітуацыя куды горш, чым у Беларусі, атрымаць дазвол там куды больш доўгі працэс.