МІНСК, 27 ліп — Sputnik. Мінск у чарговы раз прыме тэнісны турнір катэгорыі Challenger Royal Cup Open, паведамілі Sputnik арганізатары спаборніцтваў.
На наступным тыдні, 4 жніўня, у Палацы тэніса стартуе кваліфікацыя мужчынскага турніру. Спаборніцтвы ў асноўнай сетцы пачнуцца з 11 жніўня і працягнуцца да 18 жніўня.
"Для гульцоў, якія ўпершыню гуляюць турніры серыі Royal Cup Open у бягучым сезоне, удзел у асноўнай сетцы бясплатны!" — звярнулі ўвагу арганізатары.
Заяўкі прымаюцца да 3 жніўня.
"Кваліфікацыйныя матчы гуляюць тэнісісты, якія не маюць рэйтынгавых ачкоў (не прымалі ўдзелу ў турнірах серыі Royal Cup Open). Таксама ў адборачным турніры могуць гуляць тыя ўдзельнікі, якія не маюць дастатковай колькасці ачкоў, каб трапіць у асноўную сетку турніру", — звярнулі ўвагу арганізатары спаборніцтваў.
З 11 жніўня пройдуць спаборніцтвы сярод жанчын.
Фіналісты Royal Cup Open атрымаюць 50%-ную зніжку на ўдзел у наступным турніры, а пераможцы — бясплатны удзел.