МІНСК, 2 жні — Sputnik. Тэнісістка Вікторыя Азаранка выйшла ў чвэрцьфінал адзіночнага разраду турніру WTA Mubadala Silicon Valley Classic пасля перамогі ў матчы 1/8 фіналу над Ганнай Блінковай.
Сустрэча ў двух сэтах паміж Азаранка (№108 рэйтынгу WTA) і Блінковай (№101 WTA) скончылася з лікам 6:1, 6:0.
Расійская тэнісістка стала саперніцай беларускі пасля таго, як ад выступу адмовілася сёмая ракетка свету — іспанка Гарбін Мугуруса. Яна павінна была правесці сустрэчу з Азаранка, але ўстрымалася ад удзелу ў турніры з-за траўмы рукі. Блінкова атрымала месца Мугурусы ў асноўнай сетцы ў якасці "лакі-лузера".
Нагадаем, што ў першым матчы турніру беларуска абыграла ўкраінскую тэнісістку Кацярыну Бандарэнка.
Такім чынам, у выніку перамогі Азаранка выйшла ў чвэрцьфінал турніру, прызавы фонд якога складае 799 тысяч долараў.
Наступнай саперніцай беларускі стане амерыканка Даніэль Колінз (№ 42 WTA). Раней яна атрымала перамогу над нашай суайчынніцай Верай Лапко (№ 69 WTA), якая не прайшла далей другога раўнду турніру.