МІНСК, 4 жні — Sputnik. Беларускія аграрыі ўжо намалацілі больш за тры мільёны тон збожжа, у рэспубліцы прыбрана палова пасяўных плошчаў, паведамілі ў эфіры тэлеканала АНТ.
Уборачная ў рэспубліцы пачалася з прыходам у краіну добрага надвор'я: на палі камбайны выехалі адразу пасля завяршэння ліпеньскага "сезону дажджоў".
У цяперашні час прыбрана ўжо палова пасяўных плошчаў, аграрыі намалацілі 3,065 мільёна тон збожжа.
У цяперашні час па зборы збожжа лідзіруе сталічная вобласць — на Міншчыне сабралі 778 тысяч тон, у Брэсцкай вобласці — 776 тысяч, у Гродзенскай — 679, у Гомельскай — 296, у Магілёўскай — 243, у Віцебскай — 290.
Першай завершыць уборачную кампанію ў бягучым годзе Брэсцкая вобласць — там ужо зжатыя збожжавыя на 75% плошчаў.
У 2018 годзе сярэдняя ўраджайнасць збожжавых па краіне склала 28,4 цэнтнера з гектара.