МІНСК, 5 жні — Sputnik. Зорка Галівуду Стывен Сігал прызначаны спецпрадстаўніком Міністэрства замежных спраў Расіі па пытаннях расійска-амерыканскіх гуманітарных адносін, паведаміла ведамства.
"Стывен Сігал прызначаны спецыяльным прадстаўніком МЗС Расіі па пытаннях расійска-амерыканскіх гуманітарных сувязей", — гаворыцца ў паведамленні МЗС РФ у Facebook.
Акцёр будзе займацца развіццём расійска-амерыканскіх адносін у гуманітарнай сферы, у тым ліку ў культуры, мастацтве, моладзевых і грамадскіх абменах.
Пры гэтым за дадзеную дзейнасць Сігалу грошы плаціць не будуць: па дадзеных МЗС РФ, у гэтым выпадку грамадска-палітычная пасада не прадугледжвае грашовай узнагароды.
У МЗС таксама правялі аналогію: функцыі Сігала ў чымсьці падобныя да функцыі паслоў добрай волі ААН.
Амерыканскі акцёр атрымаў грамадзянства Расіі 3 лістапада 2016 году — адпаведны ўказ падпісаў прэзідэнт РФ Уладзімір Пуцін.