МІНСК, 9 жні — Sputnik. Беларускія танкісты прымуць удзел у фінальным паядынку "Танкавага біятлону", які традыцыйна прымае падмаскоўны палігон у Алабіна, перадае карэспандэнт Sputnik.
У чацвер прайшла эстафета, беларусы ў ёй спаборнічалі з камандамі з Казахстана, Індыі і Сербіі. Тры экіпажы ад кожнай краіны па чарзе выязджалі на дыстанцыю.
Першымі па выніках эстафеты сталі танкісты з Казахстана, якія паразілі 18 мішэняў з 24 і паказалі выніковы час 1 гадзіна 39 хвілін і 18 секунд. Другі час — у беларусаў, яны пераадолелі ўсю дыстанцыю за 01:44:15 і паразілі 17 мішэняў з 24 магчымых. Паказаны на этапе час дазволіў нашай камандзе выйсці ў фінал, дзе яна будзе змагацца за першае месца з экіпажамі з Расіі, Казахстана і Кітая.
На трэцім месцы — каманда Індыі, чацвёртымі фінішавалі сербскія танкісты.
Раней беларусы выйгралі ўсе тры індывідуальныя заезды "Танкавага біятлону".