МІНСК, 10 жні — Sputnik. Паездка на аўтобусе 1968 года выпуску будзе разыграна ў рамках маштабнага фэсту Lidbeer, паведамілі Sputnik арганізатары мерапрыемства.
Прыхільнікам фестывалю прапануюць адправіцца ў падарожжа вялікай кампаніяй: запускаецца традыцыйны конкурс, галоўны прыз якога — паездка з аднадумцамі на рарытэтным аўтобусе ПАЗ-672М.
Каб прыняць удзел, трэба распавесці арганізатарам аб тым, як вы рыхтуецеся да фестывалю, падмацаваўшы гісторыю фота ці відэазапісам гэтага працэсу і даслаўшы на edemnalidbeer@gmail.com з 9 па 28 жніўня. Імёны 11 пераможцаў з'явяцца на сайце мерапрыемства ўжо 30 жніўня (кожны з іх зможа ўзяць з сабой у паездку аднаго сябра).
Вялікі фестываль Lidbeer-2018 прабразгае ў Лідзе 8 верасня. Гасцям абяцаюць насычаную праграму — кірмаш майстроў, вялікі фудкорт, актывацыі, экскурсіі на піўны завод, а таксама канцэрт — на галоўнай сцэне выступяць выступяць Nizkiz, "ЧуVство полета", "Animal Джаz", "Воплi Відоплясова" і хэдлайнер вечара — групоўка "Ленінград ". Уваход на сам фестываль свабодны, а за наведванне пляцоўкі гала-канцэрта прыйдзецца заплаціць 25 рублёў.