Жыватворны Крыж ля Свята-Духава сабора Мінска, або Як асвячалі мёд

14 жніўня праваслаўная царква святкуе Паходжанне Пачэсных Дрэваў Жыватворчага Крыжа Гасподняга. Слова "паходжанне" — недакладны пераклад грэчаскага слова, літаральна азначае "нясенне наперадзе". У Канстанцінопалі, пры грэчаскіх імператарах, у гэты дзень выносілі святую рэліквію — Жыватворчы Крыж, на якім быў укрыжаваны Ісус Хрыстос, з палаца ў царкву Святой Сафіі і здзяйснялі водаасвячэнне.

Па прынятым у праваслаўнай царквы чыне на ютрані выносіцца Крыж. Таксама ў гэты дзень асвячаецца вада і свежы мёд, таму ў народзе гэтае свята называюць Мядовы Спас.

Каля Свята-Духава кафедральнага сабора Мінска, дзе пабываў сёння наш фотакарэспандэнт, архімандрыт Аляксей Шынкевіч асвяціў ваду і мёд. Глядзіце ў фотастужцы Sputnik кадры праваслаўнага свята.

1 / 15

Мядовы Спас - народная назва праваслаўнага свята Паходжанне Пачэсных Дрэваў Жыватворчага Крыжа Гасподняга

2 / 15

Разам з асвячэннем вады ў гэты дзень асвячаюць мёд - так званы першы Мядовы Спас.

3 / 15

Пасля літургіі святар асвячаў мёд новага ўраджаю, і толькі цяпер яго дазвалялася есці.

4 / 15

З 14 жніўня пчаляры пачыналі збіраць мёд з вулляў.

5 / 15

Пакланенне Крыжу ў цэрквах і манастырах у гэты дзень адбываецца па чыне Крыжапаклоннага тыдня Вялікага посту. Акрамя таго, 14 жніўня пачынаецца Успенскі пост.

6 / 15

Святары і вернікі спяваюць трапар Крыжу.

7 / 15

Раніцай на літургіі архімандрыт Аляксей Шынкевіч здзейсніў чын малога асвячэння вады.

8 / 15

Каля Свята-Духава кафедральнага сабора Мінска сабраліся прыхаджане.

9 / 15

Традыцыя асвячаць мёд ніяк не звязана са святам, якое царква адзначае ў гэты дзень.

10 / 15

У Канстанцінопалі, пры грэчаскіх імператарах, у гэты дзень выносілі святую рэліквію - Жыватворчы Крыж, на якім быў укрыжаваны Ісус Хрыстос, з палаца ў царкву Святой Сафіі і здзяйснялі водаасвячэнне.

11 / 15

Архімандрыт Аляксей Шынкевіч асвячае мёд каля Свята-Духава кафедральнага сабора Мінска.

12 / 15

Вярнуўшыся з царквы, разгаўляліся свежым мёдам, пірагамі з прасянай кашай і мёдам, варылі медзяныя квасы, пяклі мядовыя пернікі. Ва ўсе пачастункі дадавалі мак.

13 / 15

14 жніўня таксама - дзень памяці сямі старазапаветных пакутнікаў Макавеяў, якія прынялі скон у 166 годзе да н. э. Народная этымалогія пераасэнсавала назву свята ў сувязі з макам, які саспявае да гэтага часу.

14 / 15

Наогул у царкве існуе традыцыя ўсё асвячаць - і першыя плады, і першы ўраджай мёду. А слова "Спас" прыйшло да нас з часоў паганства.

15 / 15

14 жніўня пачынаецца Успенскі пост, які працягнецца да 27 жніўня. Другі - Яблычны Спас - праваслаўныя будуць святкаваць 19 жніўня.