МІНСК, 14 жні — Sputnik. Беларуская тэнісістка Арына Сабаленка, якая зараз займае 34-ы радок у сусветным рэйтынгу WTA, прабілася ў другі круг тэніснага турніру ў амерыканскім горадзе Цынцынаці.
На старце турніру серыі Masters беларуска сустракалася з брытанкай Джаанай Контэ, сустрэча працягвалася дзве гадзіны і 25 хвілін.
Беларуска ва ўпартай барацьбе змагла перамагчы першую ракетку Вялікабрытаніі. Першы сэт застаўся за Контэ — 4:6, аднак два наступныя Сабаленка выйграла з перавагай тры і два геймы адпаведна — 6:3, 6:4.
Такім чынам, у адзіночным жаночым разрадзе турніру Western & Southern Open працягваюць барацьбу дзве беларускі — Сабаленка і Вікторыя Азаранка. Яшчэ адна беларуская спартсменка — Аляксандра Сасновіч (36 WTA) — не змагла прайсці далей першага круга, прайграўшы славацкай тэнісістцы Вікторыі Кужымавай (56 WTA) — 0:6, 6:4, 1:6.
У другім крузе Азаранка сустрэнецца з пятай ракеткай свету — францужанкай Габрыель Гарсія, сапернік Сабаленка вызначыцца па выніку сустрэчы пары Караліна Плішкава (Чэхія) — Агнешка Радваньска (Польшча).
У 2018 годзе прызавы фонд турніру складае каля 2,87 мільёна долараў ЗША.