МІНСК, 17 жні — Sputnik. Футбольнае "Дынама-Мінск" у матчы ў адказ трэцяга раўнда кваліфікацыі Лігі Еўропы УЕФА прапусціла ад піцерскага "Зяніта" восем мячоў і вылецела з турніру, паведамляе Sputnik.
Напярэдадні вечарам стадыён "Пятроўскі" прымаў матч трэцяга адборачнага раўнда ЛЕ "Зяніт" — "Дынама-Мінск". Гульня завяршылася з лікам 8:1 на карысць гаспадароў поля. Пераможца вызначыўся ў авертайме. Хет-трык аформіў форвард "Зяніта" Арцём Дзюба.
"Калі б у мяне быў добры, рослы цэнтральны абаронца, то мы б змаглі стрымаць "Зяніт", але ў мяне яго няма. У "Зяніта" быў адзіны шанец прадушыць нас праз цэнтр, за кошт падач на высакарослых гульцоў, штрафных… і "Газпрома", — сказаў галоўны трэнер мінскага "Дынама" Сяргей Гурэнка пасля гульні.
Спецыяліст дадаў, што быў гатовы да таго, што "Зяніт" "паставіць рослых гульцоў" і ўся гульня будзе весціся праз Дзюбу. "Стараліся прэсінгаваць суперніка з мячом, у першым тайме з гэтым спраўляліся больш-менш. У другім тайме і далей гублялі мяч у простых сітуацыях", — сказаў ён.
Гераічная гульня
Каментуючы перамогу сваіх падапечных настаўнік "Зяніта" Сяргей Сямак назваў яе "гераічнай". Паводле слоў спецыяліста, каманда сама паставіла сябе ў такую сітуацыю і з гонарам выйшла з яе. "Дзякуй гульцам за іх стаўленне, за настрой, за жаданне, самааддачу, гульню", — сказаў Сямак.
"Праца трэнера — не перашкаджаць гульцам і па магчымасці дапамагаць. Я не выходжу на футбольнае поле, а што тычыцца настрою, гульцы самі былі настроеныя, разумелі сітуацыю", — працягнуў ён.