МІНСК, 17 жні — Sputnik. Прэзідэнт Беларусі Аляксандр Лукашэнка ў бліжэйшы час мае намер адрэагаваць на шэраг заяў у СМІ і інтэрнэце, паведамляе БелТА.
У пятніцу кіраўнік дзяржавы правёў у Палацы Незалежнасці нараду па разглядзе кадравых прапаноў.
Сярод іншых пытанняў кіраўнік дзяржавы асобна спыніўся на працы СМІ.
"Я адсочваю СМІ, там асобныя ў інтэрнеце заявы і іншае… Я іх чую, я іх бачу, і я паспрабую ў бліжэйшы час на іх адрэагаваць", — сказаў Лукашэнка.
Лукашэнка папрасіў сваю прэс-службу разам з Адміністрацыяй сабраць усе буйныя і дробныя заявы, аб'яднаць іх па тэматыцы і даць іх яму да канца дня.
"Каб я мог адказаць людзям, якія спрабуюць кінуць камень у агарод тых рашэнняў, якія мною прымаюцца", — заявіў беларускі лідар.
Ён дадаў, што задаволены тым, што колькасць пазітыўных водгукаў значна большая. "Але я задаволены ўжо тым, што адсоткаў на 90 гэта пазітыўныя водгукі. Гэта сведчыць аб тым, што людзі, падтрымліваючы Прэзідэнта ў яго дзеяннях, намякаюць на тое, што нам трэба дысцыпліну падымаць у нашых шэрагах. І гэта будзе зроблена неадкладна", — сказаў прэзідэнт.