МІНСК, 18 жні — Sputnik. Тысячы чалавек добраахвотна выйшлі на маштабны суботнік па навядзенні парадку ў Аршанскім раёне, паведамілі ў эфіры тэлеканала АНТ.
Суботнік стартаваў у населеных пунктах і на тэрыторыях арганізацый раніцай. У добраўпарадкаванні рэгіёну ўдзельнічаюць супрацоўнікі 300 прамысловых прадпрыемстваў, сяльгасарганізацый, жыллёва-камунальнай сферы, устаноў адукацыі, аховы здароўя, культуры.
Усяго, па дадзеных тэлеканала, у суботніку ўдзельнічаюць каля 50 тысяч чалавек.
Асаблівы акцэнт падчас акцыі зроблены на тыя прадпрыемствы, якія напярэдадні наведаў прэзідэнт Беларусі Аляксандр Лукашэнка. Кіраўнік дзяржавы застаўся вельмі незадаволены іх станам.
На Аршанскім інструментальным заводзе сёння праводзяць работы па дэмантажы перагародак паміж былымі ўчасткамі цэхаў, прыбіраюць пілавінне, наводзяць парадак. Будаўнічы трэст №18 рамантуе праблемны дах у адным з памяшканняў. Над добраўпарадкаваннем ААТ "Оршааграпраммаш" працуюць 120 рабочых завода, а таксама дзесяткі супрацоўнікаў райвыканкама.