Выхад пятага пакалення бонсцікаў абвясціла буйная гандлёвая сетка. Ужо трэці год запар пакупнікі могуць атрымаць разам з таварамі пацешныя гумовыя цацкі. Раней дзеці і дарослыя калекцыяніравалі жывёл, монстраў і нават фрукты, а зараз грамадскасці прапануюць пашырыць свае веды ў галіне міфалогіі.
Усе істоты, прадстаўленыя ў новай калекцыі – добрыя, хоць некаторыя з іх, калі верыць апісанню, часам кпяць з людзей. Верагодна, стваральнікі цацак палічылі, што дзецям не трэба ведаць, што шмат хто з міфалагічных персанажаў, якія лёгка ўгадваюцца ў фігурках, насамрэч зусім не такія лагодныя.
Мы прапануем вам зірнуць на карткі і здагадацца, што за істота на ей і за які аспект жыцця "адказвае" той ці іншы бонсцік. Падказка: у калекцыі можна знайсці персанажаў, якія даглядаюць хатніх і лясных жывёлаў і дапамагаюць чалавеку з дамашняй працай.