МІНСК, 4 вер — Sputnik. Беларуска Арына Сабаленка (WTA 20) завяршыла ўдзел у Адкрытым чэмпіянаце ЗША па тэнісе, саступіўшы ў адзіночным і парным разрадзе турніру Вялікага шлема.
У паядынку 1/8 фіналу ў адзіночным разрадзе, які адбыўся 3 верасня, першая ракетка Беларусі прайграла ў трох сэтах японскай тэнісістцы Наомі Асака (WTA 19). Матч працягнуўся 1 гадзіну 57 хвілін і скончыўся з лікам 3:6, 6:2, 4:6.
Бяспройгрышная серыя беларускі доўжылася восем матчаў. Цікава, што раней Асака атрымала перамогу над іншай беларускай — Аляксандрай Сасновіч (WTA 33).
У гэты ж дзень Сабаленка выйшла на корт у пары з кітаянкай Се Шувэй. Матч за 1/8 фіналу яны правялі з Элізай Мёртенс (Бельгія) і Дэмі Схюрс (Галандыя).
Сустрэча працягвалася 1 гадзіну і 34 хвіліны і скончылася паразай беларуска-кітайскага дуэта з лікам 5:7, 4:6.
У цэлым для Сабаленка адкрыты чэмпіянат US Open стаў лепшым за яе кар'еру. Раней лепшым вынікам для беларускі лічыўся выхад у другі круг на чэмпіянаце ў Уімблдоне ў 2017 годзе.
Такім чынам, свае выступы на Адкрытым чэмпіянаце ЗША па тэнісе завяршылі ўсе беларускія тэнісісткі.