МІНСК, 7 вер — Sputnik. Вядомы футбаліст Дыега Марадона пракаменціраваў навіну аб сваім супрацоўніцтве з мексіканскім клубам "Дарадас дэ Сіналоа", перадае карэспандэнт Sputnik.
У пятніцу футбольны клуб "Дарадас дэ Сіналоа" паведаміў, што прыняў Дыега Марадону на працу на пасадзе тэхнічнага дырэктара. Інфармацыя выклікала вялікія пытанні ў прадстаўнікоў брэсцкага "Дынама", які ў маі падпісаў кантракт з вядомым футбалістам. У беларускай камандзе Марадона лічыцца старшынёй праўлення.
У пятніцу Дыега размясціў у Instagram скрыншот паведамлення адваката і агента Марадоны Маціяса Морлі, у якім гаворыцца, што ён застанецца ў клубе "Дынама", але на пасадзе "ганаровага прэзідэнта", а таксама будзе супрацоўнічаць з мексіканскімі футбалістамі.
"Дыега застанецца ганаровым прэзідэнтам "Дынама-Брэст" і возьме на сябе функцыі тэхнічнага дырэктара ў "Дарадас дэ Сіналоа". Сёння мы прыбылі ў Мексіку для афіцыйнай прэзентацыі", — гаворыцца ў паведамленні.
На мінулым тыдні Марадона паабяцаў прэзідэнту Беларусі Аляксандру Лукашэнку прыступіць да працы з брэсцкім клубам "ўжо на наступным тыдні".