МІНСК, 19 вер — Sputnik. Беларуская тэнісістка Вера Лапко (№66 у рэйтынгу WTA) выйшла ў чвэрцьфінал турніру ў кітайскім Гуанчжоу, паведамляе Sputnik.
У 1/8 фіналу беларусцы супрацьстаяла ізраільцянка Дэніз Хазанюк (228). Сустрэча завяршылася з лікам 6:2, 7:5. Паядынак цягнуўся адну гадзіну 31 хвіліну.
У наступным раўндзе саперніцай Лапко стане прадстаўніца Германіі Андрэа Петковіч (85) або кітаянка Ван Яфань (76).
Лапко таксама выступае ў парным разрадзе: разам з Данкай Кавініч з Чарнагорыі яна выйшла ў другі круг. У 1/4 фіналу іх чакаюць Галіна Васкабоева (Казахстан) і Вера Званарова (Расія).
Прызавы фонд турніру ў Гуанчжоу складае амаль 227 тысяч долараў.