МІНСК, 20 вер — Sputnik. Прэзідэнт Беларусі Аляксандр Лукашэнка накіраваў віншаванне ў адрас беларускай мытнай службы, паведаміла ў чацвер прэс-служба кіраўніка дзяржавы.
Беларуская мытня 20 верасня адзначае сваё прафесійнае свята — у 1996-м гэтая дата была афіцыйна зацверджана прэзідэнтам Беларусі.
"Беларуская мытная служба ўносіць важкі ўклад у забеспячэнне і ўмацаванне эканамічнай бяспекі нашай краіны, процідзейнічаючы кантрабандзе і трансгранічнай злачыннасці, ствараючы спрыяльныя ўмовы для міжнароднага гандлю і папаўнення рэспубліканскага бюджэту", — гаворыцца ў віншаванні беларускага лідара.
Лукашэнка адзначыў, што вынікі працы мытнікаў кажуць аб дынамічным развіцці структуры і ўмацаванні яе пазіцый на міжнароднай арэне.
Прэзідэнт выказаў надзею, што дзякуючы высокаму прафесіяналізму мытныя органы рэспублікі будуць і ў далейшым забяспечваць рашэнне пастаўленых перад імі задач.