МІНСК, 25 вер — Sputnik. Першыя замаразкі чакаюцца ў Беларусі ўжо на гэтым тыдні — уначы ў сераду, 26 верасня, тэмпература паветра апусціцца ніжэй за нуль, паведамілі ў панядзелак у Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя.
Надвор'е ў рэспубліцы кардынальна змянілася напрыканцы мінулага тыдня: пасля амаль летняга цяпла тэмпература паветра звалілася на 10°С, пайшлі дажджы, а ў панядзелак, 24 верасня, краіна апынулася пад уплывам актыўнага цыклона "Фаб'ен".
Надвор'е ў сераду, 26 верасня, будзе вызначаць халодная паветраная маса і франтальны раздзел, які ідзе з боку Балтыйскага мора. Уначы месцамі чакаюцца замаразкі да 0..- 3°С, удзень паветра прагрэецца да +8.. + 15°С.
У наступныя суткі — чацвер 27 верасня — у краіне крыху пацяплее: уначы тэмпература паветра складзе ад 4 да + 10°С, удзень — да + 16°С, а на паўднёвым захадзе Беларусі — да + 18°С.