Сумная навіна прыйшла у аўторак 2 кастрычніка з Масквы — ва ўзросце 79 гадоў памёр любімы публікай артыст эстрады, тэатра і кіно, народны артыст Расіі, акцёр Маскоўскага тэатра мініяцюр Раман Карцаў.
Аб смерці знакамітага гумарыста паведаміла жонка пісьменніка-сатырыка Міхаіла Жванецкага Наталля на сваёй асабістай старонцы ў сацсетцы Facebook, удакладніўшы, што ў артыста "не вытрымала сэрца". Менавіта ў тэатры мініяцюр пад кіраўніцтвам Жванецкага маскоўскія гледачы рэгулярна бачылі выступы Рамана Карцава.
Акцёр тэатра і кіно, рэжысёр, прадзюсар праграмы "Гарадок", народны артыст Расіі Юрый Стаянаў у гутарцы на радыё Sputnik назваў Рамана Карцава вельмі дарагім для сябе чалавекам, страціць якога — вельмі крыўдна, горка і нечакана.
"Гэта такі важны і вялікі аскепак маёй малой радзімы. Вельмі важны адэсіт для мяне. Дзіўна таленавіты чалавек, унікальны самародак, надзвычайны артыст, вельмі свайго пачуцця гумару чалавек. Гэтая ніша абсалютна незапаўняемая ў яго жанры. Гэта незаменна", — сказаў Стаянаў.
Расійскі "Пяты канал" паведаміў у эфіры пра тое, што апошнія тры месяцы Раман Карцаў знаходзіўся ў шпіталі пад наглядам медыкаў. Дата развітання з вядомым сатырыкам стане вядомая пазней.
Каментар народнага артыста РФ Юрыя Стаянава слухайце на радыё Sputnik Беларусь.