МІНСК, 7 кас — Sputnik. Прэзідэнт Беларусі Аляксандр Лукашэнка павіншаваў расійскага лідара Уладзіміра Пуціна з днём нараджэння, паведаміла прэс-служба кіраўніка дзяржавы ў нядзелю.
У віншаванні прэзідэнту РФ Лукашэнка выказаў упэўненасць, што "наш дыялог, які заснаваны на прынцыпах узаемнага даверу і павагі, будзе і надалей усяляк садзейнічаць развіццю саюзніцкіх адносін і стратэгічнага партнёрства паміж Рэспублікай Беларусь і Расійскай Федэрацыяй".
Прэзідэнт падкрэсліў, што Пуцін з'яўляецца агульнанацыянальным лідарам "братняга расійскага народу" і ўносіць вялікі ўклад ва ўмацаванне магутнасці і дабрабыту Расіі, пераадоленне краінай многіх выклікаў і пагроз сучаснасці.
Уладзімір Пуцін адзначае свой 66-ы дзень нараджэння ў гэтую нядзелю, 7 кастрычніка.