З 7 па 20 кастрычніка ў Мінску пройдзе ўжо традыцыйны, сёлета трынаццаты па ліку Міжнародны фестываль Юрыя Башмета, падчас якога публіку чакаюць сустрэчы не толькі з унікальнымі музыкамі і выканаўцамі, але і незвычайныя пастаноўкі.
Так, 12 кастрычніка ў Палацы Рэспублікі адбудзецца адзіны ў Беларусі паказ музычна-тэатральнай пастаноўкі пад назвай "Чорт, салдат і скрыпка", створанай па матывах твораў Ігара Стравінскага. У галоўных ролях у спектаклі задзейнічаны Уладзімір Познер, Андрэй Макарэвіч, Дзмітрый Сіткавецкі і іншыя вядомыя персоны.
За некалькі дзён да мінскага паказу легендарны музыкант, лідар рок-гурта "Машина времени", народны артыст Расійскай Федэрацыі Андрэй Макарэвіч распавёў радыё Sputnik Беларусь пра тое, як стваралася гэтая пастаноўка і што чакае гледачоў на прэм'еры.
"Праект сінтэтычны, таму што 100 гадоў таму Стравінскі напісаў такую міні-музычна-харэаграфічную-паэтычную п'есу для малога саставу, і яна мела шалёны поспех, а потым перыядычна ва ўсім свеце да яе вярталіся. У розных краінах яе па-рознаму ставілі, і вось выдатны скрыпач Дзіма Сіткавецкі вырашыў гэтую справу вярнуць на рускую сцэну і сабраў даволі незвычайны састаў, таму што не акцёры гэта іграюць. Уладзімір Познер іграе вядучага, сам Сіткавецкі мала таго што выконвае галоўную партыю на скрыпцы, дык ён яшчэ іграе чорта, а я іграю салдата. Выдатная пара мімаў у гэтым удзельнічае, і так Стравінскім і было задумана — не балет, а менавіта пантаміма, якая тады ўвайшла ў моду", — распавядае Макарэвіч.
Па словах фронтмэна "Машыны часу", пастаноўку ўжо двойчы паказвалі ў Маскве, адзін раз — у Санкт-Пецярбургу, і зараз удзельнікі "страшна рады прывезці яе ў Мінск, таму што ўся гэтая задума вельмі падабаецца".
"Там цудоўны цалкам тэкст Успенскага. На жаль, ён не дажыў да прэм'еры, але гэта з такім добрым гумарам напісана, і гэта ўсё атрымалася пра сёння. Я не люблю спецыяльных дуль у кішэні, але там іх і няма. Наогул пытанні вечныя. Тое, што адбываецца сёння, і тое, што адбывалася 100 гадоў таму, недалёка адзін ад аднаго ", — адзначае Макарэвіч.
Гутарку з лідэрам групы "Машына часу" Андрэем Макарэвічам слухайце на радыё Sputnik Беларусь.