МІНСК, 24 кас - Sputnik. Міністр абароны Беларусі Андрэй Раўкоў адзначыў важнасць супрацоўніцтва з Расіяй у абароннай сферы ў мэтах умацавання бяспекі Саюзнай дзяржавы, аб гэтым ён заявіў на пасяджэнні аб'яднанай калегіі міністэрстваў абароны Беларусі і Расіі.
У Мінску пачалося пасяджэнне калегіі, у якім бярэ ўдзел кіраўнік абароннага ведамства Расіі Сяргей Шайгу.
"Генеральныя штабы нашых ведамстваў ужо прыступілі да падрыхтоўкі ваеннага вучэння "Шчыт Саюза-2019", якое пройдзе ў наступным годзе на тэрыторыі Расіі", - сказаў Раўкоў.
Паводле яго слоў, гэта будзе адно з буйных сумесных мерапрыемстваў абаронных ведамстваў дзвюх краін у наступным годзе.
Раўкоў падкрэсліў, што вучэнні накіраваныя на тое, каб праверыць узровень падрыхтоўкі рэгіянальнай групоўкі войскаў.
Кіраўнік беларускага абароннага ведамства таксама адзначыў важнасць супрацоўніцтва Беларусі і Расіі ў ваеннай сферы. Паводле яго слоў, такое супрацоўніцтва з'яўляецца істотным фактарам забеспячэння стабільнасці і бяспекі Саюзнай дзяржавы.
Раўкоў адзначыў, што супрацоўніцтва накіравана на ўмацаванне сумеснай групоўкі войскаў. Пры гэтым ён падкрэсліў, што Расія і Беларусь маюць аднолькавую ацэнку існуючых ў цяперашні час выклікаў і пагроз.
Расія, паводле слоў кіраўніка Мінабароны, з'яўляецца для Беларусі асноўным партнёрам, які ажыццяўляе пастаўкі ваеннага ўзбраення. Беларускае і расійскае абаронныя ведамствы актыўна працуюць у сферы падрыхтоўкі ваенных кадраў.
У сваю чаргу міністр абароны Расіі Сяргей Шайгу таксама адзначыў важнасць двухбаковага супрацоўніцтва, асабліва ва ўмовах актывізацыі НАТА паблізу межаў Саюзнай дзяржавы.