Родныя, сябры і прыхільнікі БАТЭ працягваюць цёплымі словамі ўспамінаць Анатоля Капскага, пад кіраўніцтвам якога дамагаўся поспехаў барысаўскі футбольны клуб. Ён памёр 22 верасня на 53-м годзе жыцця пасля працяглай хваробы.
"Ён запомніўся незвычайна шчырым чалавекам, які ідзе да сваёй мэты, чалавекам справы і ў той жа час тым, хто застаецца чалавекам з вялікай літары", - распавяла чатырохразовая алімпійская чэмпіёнка па біятлоне Дар'я Домрачава.
Цёплымі словамі яго ўспомнілі многія знакамітыя спартсмены і вядомыя людзі, сярод якіх Юрый Пунтус, Арцём Радзькоў, Віталь Радзівонаў, Аляксандр Глеб і многія, хто быў блізка знаёмы з Капскім.
"Гэта чалавек, у якога не было шэрасці ў жыцці - ён любіў або белае, або чорнае. Калі мы выйгралі - гэта белае, калі няўдалы вынік - для яго гэта ўсё здавалася чорным. Шэрасці ён не любіў, я лічу, гэта вельмі добрая якасць", - падзяліўся экс-галоўны трэнер БАТЭ Віктар Ганчарэнка, які цяпер узначальвае маскоўскі ЦСКА.