МІНСК, 15 ліс - Sputnik. Завушніцу каралевы Францыі Марыі Антуанеты прадалі на аўкцыёне Sotheby ў Швейцарыі за 36 мільёнаў долараў.
На сваёй старонцы ў Twitter аўкцыённы дом паведаміў, што гэта самая вялікая цана, якую калі-небудзь плацілі за жамчужны выраб. Першапачаткова меркавалася, што завушніца сыдзе з малатка за 1-2 мільёны долараў.
У сакавіку 1791 года ювелірныя вырабы, якія належалі Марыі Антуанеце і яе мужу каралю Францыі Людовіку XVI, былі вывезены ў драўляным куфэрку ў Вену. Восенню 1793 года каралеву Францыі абезгаловілі на плошчы Згоды ў Парыжы.
Таргі прайшлі ў Жэневе ў сераду ўвечары.
Завушніца з'яўляецца часткай калекцыі, у якую ўваходзіць таксама брошка, якая пайшла з малатка за 2,1 мільёна долараў, і пярсцёнак з часціцамі валасоў Антуанеты, які ацанілі ў 440 тысяч долараў. Каралі з жэмчугу і брыльянтаў былі прададзены за 2,2 мільёна долараў. Усяго ў калекцыю дынастыі Пармскіх Бурбонаў уваходзіць каля 100 прадметаў, агульны кошт якіх ацэньваецца прыкладна ў 53 мільёны долараў.