Крэсла з пацалункамі і сядзячая труна: што яшчэ можна ўбачыць на выставе стулаў

Больш за 60 крэслаў, табурэтаў, лавачак і зэдлікаў розных памераў прадставілі ў беларускай сталіцы. Прадметы інтэр’ера рознага колеру, формы і матэрыялаў можна па праву назваць сапраўднымі арт-аб’ектамі. Тут ёсць крэслы жалезныя і драўляныя, галоўны табурэт і фатэль з пацалункамі, а таксама стул-жырафа і сядзячая труна.

Арганізатары запэўніваюць, што крэсла падобнае да чалавека, бо акрамя ног і спіны яно мае свой твар. Ёсць ідэя, што экспанаты, прадстаўленыя на выставе, стануць часткай экспазіцыі Музея беларускага крэсла.

Выстава "Пастулат" праходзіць у беларускай сталіцы з 2012 года. За гэты час некаторыя яе экспанаты патрапілі ў прыватныя калекцыі, другія паудзельнічалі ў выставах у Мінску, Вільнюсе, Варшаве і Таліне. Убачыць незвычайныя беларускі крэслы можна да 28 лістапада.

1 / 16

Больш за 60 крэслаў, табурэтаў, лавачак і зэдлікаў розных памераў прадстаўленыя на выставе ў беларускай сталіцы.

2 / 16

Прадметы інтэр’ера рознага колеру, формы і матэрыялаў можна па праву назваць сапраўднымі арт-аб’ектамі.

3 / 16

Тут ёсць крэслы жалезныя і драўляныя, галоўны табурэт і фатэль з пацалункамі, а таксама стул-жырафа і сядзячая труна.

4 / 16

Арганізатары запэўніваюць, што крэсла вельмі падобнае да чалавека, акрамя ног і спіны яно мае свой твар.

5 / 16

Пры дапамозе крэсла можна не толькі працаваць ці бавіць вольны час, але і вызначыць сацыяльны статус пэўнага чалавека.

6 / 16

Выстава крэслаў праходзіць у беларускай сталіцы з 18 па 28 лістапада.

7 / 16

Ёсць верагоднасць, што прадстаўленыя на выставе крэслы стануць першымі экспанатамі будучага Музея беларускага крэсла.

8 / 16

Выстава "Пастулат" праходзіць у беларускай сталіцы з 2012 года.

9 / 16

За гэты час некаторыя экспанаты паспелі стаць набыткам прыватных калекцый, а іншыя прымалі ўдзел у міжнародных выставах у Вільнюсе, Варшаве і Таліне.

10 / 16

Такі табурэт можна выкарыстоўваць не толькі як прадмет інтэр'еру. Асабліва зацікаўленыя могуць паспрабаваць з яго дапамогай падмесці ў хаце.

11 / 16

Што азначае галоўны табурэт, выкананы ў чырвона-зялёна-белых колерах, кожны можа вырашыць самастойна.

12 / 16

Стул натхняе сучасных беларускіх мастакоў не менш, чым каханне ці жаночая прыгажосць.

13 / 16

Некаторыя крэслы нават сімвалізуюць каханне.

14 / 16

Некаторыя экспанаты складана зразумець без дапамогі спецыялістаў.

15 / 16

"Крэсла – гэта тое, што нам трэба, калі больш нічога не трэба, гэта наглядны сімвал цывілізацыі. Бо менавіта для цывілізацыі, а не для выжывання, і патрэбны дызайн", - казаў знакаміты тэарэтык Ральф Каплан.

16 / 16

Але галоўнае ў крэсле ўсё ж такі зручнасць.

Крэсла з пацалункамі і сядзячая труна: што можна ўбачыць на выставе стулаў