Майстар партрэта і піянер савецкай эротыкі. Выстава Гунарса Біндэ ў Мінску

Выстава-рэтраспектыва знакамітага латвійскага фатографа Гунарса Біндэ адкрылася ў Мастацкай галерэі Міхаіла Савіцкага.

Сам мэтр прыехаў у Мінск на адкрыццё выставы разам з жонкай, якая, дарэчы, часта была мадэллю на яго фотаздымках.

Напярэдадні 85-годдзя (дзень нараджэння фатограф адзначыць 27 снежня) Гунарс поўны жыцьця, ідэй і эмоцый.

Фотаработы Гунарса Біндэ адрознівае адданасць чорна-белай фатаграфіі і аптычнай фотакамеры: мастак праводзіць бясконцыя эксперыменты з формай і святлом. А яшчэ ён вядомы як "піянер савецкай эротыкі" - у шасцідзесятыя Гунарс Біндэ пачаў публікаваць фатаграфіі аголенай жаночай натуры.

На выставе можна ўбачыць больш за восемдзесят фатаграфій 1960-2000-х: нацюрморты, пейзажы, рэпартажныя здымкі, партрэты, ню.

1 / 16

Выстава-рэтраспектыва знакамітага латвійскага фатографа Гунарса Біндэ адкрылася ў Мастацкай галерэі Міхася Савіцкага.

2 / 16

Фотаработы Гунарса Біндэ адрознівае адданасць чорна-белай фатаграфіі і аптычнай фотакамеры: мастак праводзіць бясконцыя эксперыменты з формай і святлом.

3 / 16

У аб'ектыве Гунарса Біндэ пабывалі многія выдатныя дзеячы мастацтва - французскі акцёр-мім Марсэль Марсо, кампазітар Райманд Паўлс, дырыжор Леанідс Вігнер.
Самай вядомай з прадстаўленых на выставе работ Біндэ з'яўляецца партрэт рэжысёра Эдуарда Смільгіса.

4 / 16

"У мяне атрымліваецца зрабіць 2-3 добрыя працы ў год, таму што больш і не трэба. Фотаздымкаў, напэўна, знята мільён, але я не называю іх фотаздымкамі - гэта фатаграфічныя выявы. Фатаграфія - гэта як карціна, гатовы прадмет мастацтва", - кажа майстар.

5 / 16

"Я не магу сябе выказаць дакументальнай фатаграфіяй. Дакументальная перашкаджае выказаць мне мае суб'ектыўныя станы", - казаў Гунарс Біндэ.

6 / 16

Мэтр прыехаў у Мінск на адкрыццё выставы разам з жонкай, якая, дарэчы, часта з'яўлялася мадэллю на яго фотаздымках.

7 / 16

"Самы прыгожы краявід - пейзаж жаночага цела, - лічыць фотамастак і тлумачыць: - Але лепш казаць не "цела" (пошла гучыць), а - гармонія. Гармонія жаночага цела".

8 / 16

"Што значыць здымак супраць той любаты, якая існуе ў прыродзе? Таму ў прыродзе я заўсёды шукаю водгук свайго стану".

9 / 16

"Лічба прывяла да таго, што працаваць стала лёгка. І гэтая лёгкасць працы робіць фатографа лянівым. Ён шмат здымае ў надзеі, што нешта атрымаецца".

10 / 16

Фатограф вядомы як "піянер савецкай эротыкі" - у шасцідзесятыя Гунарс Біндэ пачаў публікаваць фатаграфіі аголенай жаночай натуры.

11 / 16

Гунарс неаднаразова казаў, што свядома звяртаецца да інсцэніраванай фатаграфіі, каб надаць пераканаўчасці сваім вобразам.

12 / 16

Напярэдадні 85-годдзя (дзень нараджэння фатограф адзначыць 27 снежня) Гунарс поўны жыцця, ідэй і эмоцый.

13 / 16

Гунарс Біндэ - майстар партрэта.

14 / 16

15 / 16

"У фатаграфіі шмат значыць геніяльны нечаканы выпадак, калі ўсё супадае. Фатографу трэба ўмець прадбачыць гэты выпадак".

16 / 16

Выстава Гунарса Біндэ будзе адкрыта ў Мастацкай галерэі Міхаіла Савіцкага да 16 снежня.