МІНСК, 23 ліс - Sputnik. Пачаліся работы па абсталяванні машыннай залы другога энергаблока Беларускай АЭС, паведамілі Sputnik у дзяржкарпарацыі "Расатам".
Спецыялісты прыступілі да зборкі турбаагрэгата - пачалі з мантажу апор падшыпнікаў і карпусоў цыліндраў нізкага ціску. Турбаагрэгат складаецца з паравой турбіны і электрагенератара, які яна прыводзіць у дзеянне.
"Мантаж апор падшыпнікаў і карпусоў ЦНД - гэта старт работ па ўстаноўцы асноўнага абсталявання машзала энергаблока. Усё абсталяванне прайшло ўваходны кантроль", - адзначылі ў карпарацыі.
У бліжэйшы час пачнецца ўстаноўка яшчэ аднаго механізму турбаагрэгата - стартара. Элементы турбіны выраблены на расійскім прадпрыемстве "Сілавыя машыны".
БелАЭС будуецца каля беларускага горада Астравец па тыпавым расійскім праекце, які адказвае міжнародным нормам і рэкамендацыям МАГАТЭ. Першы энергаблок станцыі плануецца запусціць у сакавіку наступнага года, другі - годам пазней.