Фотафакт: сукенку Соф’і Гальшанскай і мундзір Напалеона паказалі ў Мінску

МІНСК, 19 сне - Sputnik. Напярэдадні ў Мінску адкрылася выстава тэатральных касцюмаў 1981-2018 гадоў з калекцыі Беларускага дзяржаўнага акадэмічнага музычнага тэатра.

За час існавання тэатра на яго сцэне паставілі больш за 150 спектакляў, многія з якіх увайшлі ў залаты фонд нацыянальнага музычнага мастацтва.

Розныя перыяды гісторыі тэатра можна прасачыць праз касцюмы, прадстаўленыя ў Нацыянальным гістарычным музеі Беларусі.

Сярод экспанатаў – сукенка Соф’і Гальшанскай з аднаіменнага мюзікла, мундзір Напалеона з аперэты "Капялюш Напалеона", сукенка Марыі Сцюард з мюзікла "Хэло, Долі!" і многія іншыя часткі адзення.

Убачыць выставу, прымеркаваную да падпісання пагаднення аб супрацоўніцтве паміж музеем і тэатрам, можна да 7 студзеня.