МІНСК, 23 сне - Sputnik. Прэзідэнт Беларусі Аляксандр Лукашэнка ад імя народа Беларусі і сябе асабіста павіншаваў імператара Японіі Акіхіта з нацыянальным святам - Днём нараджэння Імператара, паведамляе прэс-служба кіраўніка дзяржавы.
"Больш чым за чвэрць стагодздзя дыпламатычных адносін паміж нашымі краінамі пройдзены вялікі шлях у развіцці плённага двухбаковага супрацоўніцтва", - гаворыцца ў віншаванні.
Аляксандр Лукашэнка выказаў упэўненасць, што сумеснымі намаганнямі бакі змогуць у поўнай меры рэалізаваць значны патэнцыял узаемадзеяння Беларусі і Японіі ў эканамічнай, гуманітарнай і іншых сферах.
Прэзідэнт пажадаў імператару Японіі моцнага здароўя і даўгалецця, а японскаму народу - шчасця і поспехаў.
Кіраўнік Расіі Уладзімір Пуцін таксама накіраваў імператару Японіі віншавальную тэлеграму, у якой выказаў упэўненасць, што расейска-японскія адносіны будуць і надалей развівацца на карысць народаў.
Акіхіта - 125-й імператар Японіі, старэйшы сын імператара Хірахіта. Ён узышоў на трон ў 1989 годзе і ў цяперашні час з'яўляецца адзіным у свеце кіруючым імператарам.
У імператарскай пары трое дзяцей - наследны прынц Нарухіта, Фуміхіта, прынц Акісіна і Саяка, прынцэса Норы.
У жніўні 2016 года Акіхіта запісаў відэазварот, у якім выказаў жаданне зрачыся ад пасаду з прычыны сталага ўзросту на карысць свайго старэйшага сына Нарухіта.
Цырымонія адрачэння імператара Японіі запланаваная на красавік 2019 года.