МІНСК, 26 сне - Sputnik. Ветранае і снежнае, але без марозу надвор'е чакаецца ў Беларусі ў сераду, 26 снежня, паведамілі ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя.
Па прагнозах сіноптыкаў, надвор'е ў рэспубліцы сур'ёзна пагоршыцца: на большай частцы краіны будзе ісці снег, мокры снег, у заходніх раёнах - з дажджом. Месцамі будзе слабы туман і галалёд, на дарогах - галалёдзіца. У дзённы час у некаторых рэгіёнах чакаецца ўзмацненне ветру, яго парывы будуць дасягаць 15-18 метраў у секунду.
Уначы тэмпература паветра складзе -5..-11°C, у заходняй частцы Беларусі -0°C да -4°C. Ва ўсходніх раёнах рэспублікі тэмпература апусціцца да -12..-15°C. Удзень слупок тэрмометра пакажа ад -1°C да +5°C.
У Мінску ўначы будзе -5..-7°C, у дзённы час ад 0°C да +2°C. На працягу дня чакаецца невялікі мокры снег, увечары - завіруха. Хуткасць ветру будзе дасягаць 8-10 метраў у секунду, пры парывах - да 15-17 метраў у секунду.