ГРОДНА, 5 сту - Sputnik, Іна Грышук. Усталяваць у Гродне кола агляду, з якога гараджане і турысты змагу палюбавацца на цэнтр горада з вялікай вышыні, хоча адна з прыватных фірмаў. Пра гэта паведамілі ва ўпраўленні архітэктуры і горадабудаўніцтва Гродзенскага гарвыканкама.
У цяперашні час ёсць прыватная фірма, якая ўсур'ёз настроена ўсталяваць новы атракцыён.
"Атрымана папярэдняе ўзгадненне Міністэрства культуры на кола агляду. У парку Жылібера ёсць тэрыторыі пад атракцыёны. Выдзяляць новыя ўчасткі пад кола агляду не плануецца", - паведаміла намеснік начальніка ўпраўлення архітэктуры і горадабудаўніцтва гродзенскага гарвыканкама Вольга Барэйка.
Цяпер рана казаць пра новую для горада ініцыятыву падрабязна. Дакладныя тэрміны і тэхнічныя характарыстыкі новага атракцыёну можна будзе называць не раней вясны, бо праекту трэба прайсці мноства тэхнічных ўзгадненняў і экспертыз.
Пра вяртанне ў Гродна кола агляду загаварылі год таму. Восенню 2017 года прыватная фірма звярнулася ў гарвыканкам з ідэяй пабудаваць дадзены атракцыён у Каложскім парку, горад выдзеліў участак, але прадстаўнікі інвестара не з'явіліся на аўкцыён. У цяперашняга інвестара намеры больш сур'ёзныя, але ён пакуль не хоча даваць дакладных абяцанняў.
Першае кола агляду ў Гродне ўсталявалі ў 1970-я гады ў Каложскім парку на месцы сучаснай стаянкі недалёка ад Каложы. Яно было вышынёй каля 30 метраў, прапрацавала не менш за дзесяць гадоў. У канцы 80-х яго дэмантавалі.Зараз у Беларусі працуе пяць колаў агляду - у Мінску, Гомелі і Брэсце. Адно з апошніх ўсталявалі летам 2017 года ў Брэсце, прымеркаваўшы яго адкрыццё да 1000-годдзя горада.