МІНСК, 12 сту - Sputnik. На пачатку тыдня ў Беларусі чакаюцца ападкі, тэмпературны рэжым істотна не зменіцца, пра гэта сведчаць звесткі Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
"14 студзеня (панядзелак) надвор'е ў рэспубліцы будзе вызначаць чарговая сістэма франтоў ад паўночна-атлантычнага цыклона з цэнтрам над Эстоніяй", - распавялі сіноптыкі.
У гэты дзень часам будуць ісці дождж і мокры снег, будуць назірацца слабыя туман і галалёд, а аўтамабілістаў папярэджваюць аб магчымай галалёдзіцы на дарогах. У асобных раёнах можа дзьмуць моцны парывісты вецер.
Да выхадных у рэспубліцы адчувальна пацяплела, пахаладання сіноптыкі не чакаюць і ў бліжэйшыя будні: тэмпература паветра ў першы дзень тыдня апусціцца ўначы да -5 .. + 1°С, а ў дзённыя гадзіны будзе знаходзіцца ў межах ад -2°С да 4°С.
Згодна з папярэднімі прагнозамі на Gismeteo.by, будучы працоўны тыдзень таксама будзе адносна цёплым, тэмпературныя паказчыкі знізяцца толькі да наступных выхадных.
Так, па дадзеных на сёння, на наступным тыдні ў Мінску ўдзень будзе ад -2°С да + 1°С, у суботу паветра ў дзённыя гадзіны астыне да -4°С, а ў нядзелю - да -8°С.