Касцёл Маці Божай Шкаплернай у Мядзелі Мінскай вобласці цяпер будзе не толькі помнікам архітэктуры XVIII стагоддзя, але і месцам паломніцтва хрысціян-каталікоў.
Прычынай гэтаму паслужыла ўнікальная знаходка - мошчы каталіцкіх святых Тэрэзы, Цэцыліі і папы Рыгора Вялікага, якія былі знойдзеныя ў сцяне касцёла падчас правядзення рамонтных работ, паведаміў радыё Sputnik Беларусь настаяцель манастыра ў Мядзелі айцец Юрый Кулай.
"Адзін з манахаў знайшоў у архіве Кракава (Польшча) запіску, што ў сцяне мядзельскага касцёла знаходзяцца мошчы некаторых святых, якія былі схаваныя ў 40-м годзе падчас прыходу бальшавікоў. У запісцы паказвалася месца тайніка - у верхнім ярусе касцёла. Падчас замены праводкі прастукалі сцяну, і было знойдзена месца, дзе ў несамавітым слоічку з-пад гарбаты знаходзіліся мошчы, загорнутыя ў сертыфікаты, якія пацвярджаюць іх сапраўднасць", - распавядае айцец Юры.
Каментар айца Юрыя Кулая слухайце ў аўдыёзапісы на радыё Sputnik Беларусь.