Паветраныя гімнасткі і светлавое шоу павінны былі ўразіць гасцей чэмпіянату Еўропы па фігурным катанні. Шоу прайшло пры запоўненай "Мінск-Арэне", нават месцы на балконах не пуставалі. Госці паслухалі не толькі ўрачысты гімн Беларусі, але і традыцыйную песню "Касіў Ясь канюшыну", і калі расіян ёю не здзівіш, то для гасцей з Швейцарыі і Германіі гэта ў навінку.
"Мы пастараліся зрабіць усё неабходнае, каб чэмпіянат прайшоў на высокім арганізацыйным узроўні, і каб чаканні спартсменаў, трэнераў і балельшчыкаў апраўдаліся ў поўнай меры", - расказаў міністр спорту і турызму Беларусі Сяргей Кавальчук і выказаў надзею, што спаборніцтвы стануць сапраўдным святам для людзей, закаханых у фігурнае катанне і спорт.
Ён падкрэсліў, што ў Беларусі развіццё спорту з'яўляецца адным з прыярытэтаў дзяржаўнай палітыкі. Міністр распавёў пра ўсё новыя аб'ектах, якія адкрываюцца ў гэтай сферы.
У Мінск прыехалі адны з вядучых фігурыстаў Еўропы. Адразу пасля таго, як жанчыны выступілі з кароткай праграмай, гледачоў чакала ўрачыстая цырымонія адкрыцця. Адразу пасля яе гледачоў чакалі спаборніцтвы сярод пар.