МІНСК, 27 сту - Sputnik. Самыя мужныя людзі не хакеісты, а фігурысты, такое меркаванне ў нядзелю на гала-канцэрце ў гонар закрыцця Чэмпіяната Еўропы па фігурным катанні выказаў прэзідэнт Беларусі Аляксандр Лукашэнка, перадае карэспандэнт Sputnik.
Мінск на гэтым тыдні прымаў Чэмпіянат Еўропы па фігурным катанні. У нядзелю ў рамках ЧЕ прайшоў гала-канцэрт, які наведаў і прэзідэнт Беларусі Аляксандр Лукашэнка.
"Дарагія сябры! Усе, што я зараз скажу - асабіста мой пункт гледжання. Я не вялікі спецыяліст у фігурным катанні, але маю права выказаць свой пункт гледжання. Таму не крыўдуйце", - звярнуўся Лукашэнка да прысутных.
Па прызнанні прэзідэнта, выходзячы на лёд "Мінск-Арэны" ён падумаў аб мужнасці. Кіраўнік дзяржавы нагадаў, што "ўсё жыццё прастаяў на каньках" і часта выходзіў на лёд.
"Я падумаў: а як яны, распранутыя-напаўголыя? Не хакеісты самыя мужныя людзі, а яны", - прызнаўся прэзідэнт, кажучы пра фігурыстаў.
Беларускі лідар падзякаваў фігурыстам за выдатнае дзейства і прызнаўся, што падчас ЧЕ беларусы забыліся пра іншыя віды спорту.