МІНСК, 1 лют - Sputnik. Генеральны дырэктар расійскага міжнароднага інфармацыйнага агенцтва "Россия сегодня", намеснік генеральнага дырэктара УДТРК Дзмітрый Кісялёў пракаментаваў у інтэрв'ю Sputnik латвійскую забарону на рэтрансляцыю расійскага канала "Расія РТР".
"Гэта несумяшчальна са свабодай слова. Сумна глядзець на трансфармацыю Еўропы", - заявіў Кісялёў.
У чацвер 31 студзеня латвійскі Нацыянальны савет па электронных СМІ прыняў рашэнне прыпыніць на тры месяцы рэтрансляцыю тэлеканала "Расія РТР".
На думку латвійскага боку, такая мера неабходная, каб засцерагчы краіну ад "прапаганды Крамля" і "абараніць сваю інфармацыйную прастору".
З аналагічнай ініцыятывай выступілі ў Літве. Мясцовы рэгулятар вынес папярэджанне за "распаўсюджванне ілжывай інфармацыі" двум расійскім каналам - "Першаму балтыйскаму каналу Літвы" (створаны на аснове расійскага "Першага канала") і "НТБ Мір. Літва". У выпадку трох папярэджанняў іх вяшчанне на тэрыторыі рэспублікі можа быць прыпынена.
Раней у Малдове на дзяржаўным узроўні забаранілі навінавае вяшчанне ўсіх расійскіх тэлеканалаў.
МЗС Расіі неаднаразова заяўляў аб недапушчальнасці ганенняў на свабоду слова і заклікаў міжнародную супольнасць звярнуць на гэта сваю ўвагу.
Чытайце таксама:
- Інфармацыйнае агенцтва і радыё Sputnik пашырае аўдыторыю