МІНСК, 1 лют - Sputnik. Прыкладам сапраўднага гуманізму назваў прэзідэнт Беларусі Аляксандр Лукашэнка служэнне Патрыярха Кірыла як прадстаяцеля Рускай праваслаўнай царквы і грамадскага дзеяча. Пра гэта гаворыцца ў віншаванні кіраўніка дзяржавы, накіраваным Патрыярху Маскоўскаму і ўсяе Русі Кірылу ў сувязі з дзесяцігоддзем з дня Патрыяршай інтранізацыі.
"Вы з асаблівай увагай і клопатам ставіцеся да Беларусі, духоўна падтрымліваеце вернікаў, праяўляеце шчырую зацікаўленасць у дабрабыце нашай Айчыны. Мы ўдзячныя за прыкладзеныя вамі намаганні па гарманізацыі міжнацыянальных і міжрэлігійных адносін у блізкім і далёкім замежжы", - гаворыцца ў віншаванні.
Патрыярх Кірыл абраны прадстаяцелем Рускай праваслаўнай царквы на Памесным саборы 27-29 студзеня 2009 года. Папярэдні патрыярх Аляксій II памёр 5 снежня 2008 года. Першага лютага 2009 года новы кіраўнік РПЦ ўзышоў на пасаду, а гэты дзень стаў новым агульнацаркоўным святам.