МІНСК, 8 лют - Sputnik. Экс-першая ракетка свету беларуска Вікторыя Азаранка атрымала wild card на турнір WTA ў мексіканскім Акапулька, паведамляе прэс-служба спаборніцтваў.
Турніру ў Акапулька пройдзе з 25 лютага па 2 сакавіка.
Беларуска толькі аднойчы гуляла ў Акапулька. У 2016 годзе Азаранка атрымала перамогу ў стартавым паядынку, але далей працягнуць выступ яна не змагла з-за траўмы запясця.
Зараз Азаранка разам са зборнай Беларусі знаходзіцца ў нямецкім Браўншвейгу, дзе ў выхадныя пройдзе чвэрцьфінальны матч Кубка Федэрацыі супраць каманды Германіі.
У гэтым годзе Азаранка ўжо выступала на трох турнірах: у новазеландскім Оклендзе, у Мельбурне на Australian Open і ў Санкт-Пецярбургу на St. Petersburg Ladies Trophy. Беларуска выйграла толькі адзін матч - на спаборніцтвах у Расіі.