МІНСК, 9 лют - Sputnik. Досыць цёплае надвор'е захаваецца ў Беларусі ў суботу, 9 лютага, сведчаць звесткі Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя.
"У суботу 9 лютага надвор'е Беларусі ў асноўным будзе вызначаць вобласць павышанага атмасфернага ціску, сфармаваная ў вільготнай паветранай масе", - распавялі ў Гідрамеце.
У гэты дзень будзе воблачна з праясненнямі, ападкаў сіноптыкі не чакаюць. У начныя і ранішнія гадзіны можа назірацца слабы туман, удзень на паўночным захадзе Беларусі - парывісты вецер, а аўтамабілістаў папярэджваюць аб галалёдзіцы на дарогах.
Уначы тэмпература паветра апусціцца да 0 ..- 6°С (пры праясненнях да -8°С), пасля абеду паветра прагрэецца да -2 .. + 4°С, а па паўднёвым захадзе рэспублікі будзе да + 6°С.
Як паведамілі сіноптыкі, сярэднесутачная тэмпература па краіне ў апошнія дні на 2-6°C перавышала кліматычную норму.