Велізарны цмок, грыбы і гарылы: у Мінску адкрыўся незвычайны фестываль

У сталічным Батанічным садзе 14 лютага адкрыўся фестываль велізарных кітайскіх ліхтароў. Некалькі дзясяткаў майстроў 12 дзён збіралі незвычайныя фігуры з металу і тканіны, усе матэрыялы для гэтага спецыяльна везлі з Паднябеснай. Дзякуючы падсветцы фігуры здаюцца бязважкімі.

У парку да 31 сакавіка пасяліліся панды, гарылы, сланы, бегемоты, выраслі незвычайныя расліны - усяго больш за 500 экспанатаў. Галоўнай фігурай стаў гіганцкі цмок. Але дакрануцца да незвычайных ліхтароў нельга, каб не пашкодзіць тканіну.

1 / 15

Фестываль гіганцкіх кітайскіх ліхтароў адкрыўся на тэрыторыі Батанічнага саду ў Мінску.

2 / 15

Кожны дзень да 31 сакавіка тут можна ўбачыць больш за 25 светлавых кампазіцый вышынёй ад 2 да 5 метраў і даўжынёй да 20 метраў.

3 / 15

Шыкоўныя экспанаты створаны камандай кітайскіх майстроў.

4 / 15

У экспанатах злучыліся шматвяковае мастацтва кітайскіх ліхтароў і сучасныя тэхналогіі.

5 / 15

Фігуры створаны з металічнага каркаса і тканіны рознага колеру. Знутры канструкцыя падсвятляецца.

6 / 15

Дзякуючы такой тэхналогіі экспанаты здаюцца бязважкімі.

7 / 15

Усяго ў садзе размясцілі каля 50 фігур, сярод якіх - жывёлы, птушкі, расліны.

8 / 15

Многія вобразы створаны на стыку рэальнасці і фантазіі.

9 / 15

Захапляцца незвычайнымі фігурамі можна толькі на адлегласці - наведвальнікам нельга дакрануцца да скульптур, якія агароджаныя стужкай.

10 / 15

Аднак рабіць памятныя фота ніхто не забараняў, гэта нават трэба рабіць.

11 / 15

Каб надаць парку больш рэальную атмасферу, стваральнікі паспрабавалі "ажывіць" звяроў - хтосьці рыкае, хтосьці рохкае.

12 / 15

Адной з галоўных фігур светлавой інсталяцыі стаў цмок як знакавы сімвал кітайскай культуры.

13 / 15

Мантаж парку, па словах арганізатараў, заняў амаль два тыдні. Усе камплектуючыя былі спецыяльна прывезены з Кітая.

14 / 15

Каб убачыць незвычайныя фігуры першымі, мінчане задоўга сабраліся ля Батанічнага саду.

15 / 15

Стваральнікі натхніліся традыцыйным "Святам ліхтароў" - звычаю ўжо больш за дзве тысячы гадоў.