МІНСК, 21 лют - Sputnik. Жыхары краін Азіі падзяліліся сваімі любімым беларускімі словамі падчас адмысловага флэшмоба да Дня роднай мовы. Відэа ў сваім твітэр-акаунце размясціў Пасол Беларусі ў КНР Кірыл Руды.
У флэшмобе прынялі удзел жыхары В’етнама, Індыі, Інданэзіі, Кітая, Паўднёвай Карэі і Японіі. Дарослыя і дзеці на відэа трымаюць шыльдачкі з любымымі беларускімі словамі і іх перакладам на сваю родную мову.
У спіс азіяцкіх слоў-любімчыкаў патрапілі мова, тата, каханне, натхненне, пяшчота, вёска і вясёлка. Не абыйшлося і без бульбы, зубра і пушчы.
21 лютага па ўсім свеце адзначаецца Дзень роднай мовы. Свята было абвешчана ЮНЭСКА ў 1999 годзе і адзначаецца штогод для садзейнічання моўнай і культурнай разнастайнасці і шматмоўю.
Чытайце таксама: