МІНСК, 2 сак - Sputnik. Беларуская тэнісістка Вікторыя Азаранка ў пары з кітаянкай Чжэн Сайсай выйшла ў фінал турніру ў мексіканскім Акапулька, паведамляе Sputnik.
Паўфінальны матч турніру адбыўся ў суботу, 2 сакавіка. Беларуска-кітайскі дуэт сустрэўся на корце з канадска-амерыканскай парай Шэрон Фічмэн і Марыя Санчэс. У першых двух сэтах Азаранка і Сайсай без праблем расправіліся з саперніцамі, у трэцяй партыі яны саступалі канадцы і амерыканцы з лікам 5:8, аднак змаглі адыграцца і вырваць перамогу. Канчатковы лік - 6:7, 6:2, 13:11. Дзяўчаты правялі на корце 1 гадзіну 39 хвілін.
У фінале Вікторыя Азаранка і Чжэн Сайсай сустрэнуцца з амерыкана-мексіканскім дуэтам Дэзайр Краўчык і Джуліанай Олмас. Матч паміж імі пройдзе ў ноч на нядзелю 3 сакавіка.
У адзіночным разрадзе Вікторыя Азаранка, якая цяпер з'яўляецца 50-й ракеткай свету, не змагла прабіцца ў паўфінал. У чвэрцьфінальным матчы яна саступіла амерыканцы Сафіі Кенін (35-ы нумар рэйтынгу WTA). Кенін, дарэчы, выйшла ў фінал турніру, дзе згуляе з кітаянкай Ван Яфань.