МІНСК, 10 сак - Sputnik. У панядзелак у Беларусі будзе воблачна і часам ападкі, верагоднасць выпадзення, якіх складае 80-90%, паведамілі ў Белгідраметцэнтры.
У ноч на 11 сакавіка тэмпература паветра будзе вагацца ў раёне -1..+1°C. Вецер чакаецца паўднёва-заходні 6-11 м/с парывамі да 14 м/с.
Днём у Беларусі паветра прагрэецца да +2..+4°C. Вецер зменіцца на паўночна-заходні 6-11 м/с парывамі да 14 м/с.
У Белгідраметцэнтры папярэджваюць аб неспрыяльнай з'яве ў панядзелак па поўдні краіны, дзе раніцай і на працягу дня чакаецца ўзмацненне ветру парывамі да 15-20 м/с. У сувязі з гэтым на 11 сакавіка абвешчаны аранжавы ўзровень небяспекі.
Нагадаем, што ў святочныя дні ў Беларусі быў пабіты тэмпературны рэкорд: 8 сакавіка ў сталіцы і большасці абласных цэнтраў тэмпература была вышэй на 2-3 градусы, чым папярэднія паказчыкі.