Серыял пра трагедыю на Чарнобыльскай АЭС амерыканскі тэлеканал анансаваў яшчэ ў 2017 годзе. Як стала вядома дзякуючы трэйлеру праекта, здымкі і прадакшн завершаны, а на экраны "Чарнобыль" выйдзе ўжо 6 мая.
Тэлеканал HBO здымаў серыял у Літве. Падрабязнасці аб праекце трымаюцца ў сакрэце, але ўжо вядома, што галоўныя ролі ў "Чарнобылі" выканалі Джарэд Харыс, Стэлан Скарсгард і Эмілі Уотсан, а рэжысёрам выступіў Йохан Рэнка.
Цікава, што сярод выканаўчых прадзюсараў серыяла значыцца Кэралін Штраўс, якая, апроч іншага, займалася здымкамі серыяла "Гульня тронаў", які выходзіць на HBO, - аднаго з самых папулярных і відовішчных тэлепраектаў у гісторыі. Ці паўторыць "Чарнобыль" поспех фэнтэзі-сагі, пакажа час.
Трагедыя на атамнай станцыі ў Чарнобылі адбылася 26 красавіка 1986 года і так ці інакш закранула ўсю Еўропу, калі не ўвесь свет. Чытайце унікальны лангрыд Sputnik аб наступствах трагедыі на ЧАЭС.