18 сакавіка адзначаюцца 101-я ўгодкі са Дня ўтварэння ўнутраных войскаў МУС Беларусі. Напярэдадні, у нядзелю, у сталічным Лошыцкім парку адбылося свята, прысвечанае гэтай падзеі.
У забегу прынялі ўдзел не толькі вайскоўцы злучэнняў і воінскіх часцей унутраных войскаў, прадстаўнікі сілавых структур, але і спартсмены, студэнты і, наогул, усе жадаючыя.
Адбыліся традыцыйныя паказальныя выступленні байцоў роты спецпрызначэння. Госці маглі падсілкавацца кашай і гарачай гарбатай.
У склад унутраных войскаў Беларусі ўваходзяць спецыяльныя міліцэйскія злучэнні і воінскія часці, атрады па ахове асабліва важных дзяржаўных аб'ектаў і спецыяльных грузаў, рота спецпрызначэння.