МІНСК, 20 сак - Sputnik. Самы небяспечны для Зямлі астэроід Бену з'явіўся ў галоўным поясе астэроідаў каля 100 мільёнаў гадоў таму з-за сутыкнення больш буйных аб'ектаў, паведаміў часопіс Nature.
У верасні 2016 года NASA вывела на калязямную арбіту даследчы апарат OSIRIS-REx, які праз тры месяцы дасягнуў паверхні Бену, які мае пазначэнне 1999 RQ36, і перадаў на Зямлю яго першыя здымкі.
"Бену ўтрымлівае першасную матэрыю Сонечнай сістэмы, і яе вяртанне на Зямлю дапаможа зразумець, як вада з'явілася на планеце і якую ролю яна адыграла ў эвалюцыі Сонечнай сістэмы", - паведаміла кіраўнік місіі Дантэ Лаурэта.
Паводле яе слоў, Бену падобны да астэроіда Ругю, які зараз вывучае японскі апарат "Хаябуса-2". У той жа час, на Ругю зонд японскіх навукоўцаў вады не знайшоў, тады як датчыкі OSIRIS-REx зафіксавалі сляды яе прысутнасці ў пародах "астэроіда суднага дня".
Паводле атрыманых дадзеных унутраная структура астэроіда Бену неаднастайная, а паверхня пакрыта кратэрамі, з колькасці якіх можна зрабіць выснову, што ён сфармаваўся каля 100 мільёнаў гадоў таму.
Пакуль на астэроідзе сляды арганікі не былі знойдзеныя, але навукоўцы мяркуюць, што іх можна будзе выявіць пасля пробаў грунту. Чакаецца, што зонд возьме ўзоры з паверхні астэроіда ў ліпені 2020 гады - пакуль вырашаецца пытанне аб выбары асноўнага і рэзервовага месца для пасадкі OSIRIS-REx.
У NASA плануюць, што ў выпадку поспеху аперацыі капсула з першаснай матэрыяй Сонечнай сістэмы будзе дастаўлена на Зямлю восенню 2023 года.
Астэроід Бену быў адкрыты ў 2013 годзе, сваю назву ён атрымаў у гонар птушкі - сімвала ўваскрашэння старажытнаегіпецкага бога Асірыса. У NASA яго называюць найбольш патэнцыйна небяспечным для Зямлі, хоць некаторыя навукоўцы мяркуюць, што верагоднасць падзення Бену, які мае каля паўкіламетра у дыяметры, на паверхню планеты складае 1 да 4000. Аднак у выпадку горшага варыянту развіцця падзей ужо разлічаны магчымыя даты катастрофы - 2169 і 2199 гады.