МІНСК, 25 сак - Sputnik. Пахаладанне чакаецца ў Беларусі ў сярэдзіне тыдня, пра гэта паведамілі ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя.
Па дадзеных сіноптыкаў, напярэдадні сярэднесутачная тэмпература паветра ў краіне склала +4..+8°С, гэты паказчык на 2-6°С перавысіў кліматычную норму. У панядзелак у другой палове дня ў краіне будзе воблачна з праясненнямі, паветра прагрэецца днём да +6..+11°С, а ў Мінску вечарам будзе да +4..+6°С.
"У аўторак і сераду пад уплывам паветраных мас, што паступаюць са Скандынавіі, крыху пахаладае. Асабліва халоднай будзе серада", - папярэдзілі сіноптыкі.
У аўторак 26 сакавіка надвор'е ў Беларусі будуць вызначаць атмасферныя франты: амаль па ўсёй краіне пройдзе мокры снег, парывы ветру будуць дасягаць 12 метраў за секунду. Ноччу тэмпература паветра будзе знаходзіцца ў межах -3..+2°С, у дзённыя гадзіны падымецца да +2..+8°С.
"У сераду (27 сакавіка) яшчэ захаваецца ўплыў атмасфернага фронту, месцамі пройдзе кароткачасовы снег, аднак ужо днём будзе распаўсюджвацца вобласць павышанага атмасфернага ціску, ападкаў у асноўным не чакаецца", - паведамілі ў Белгідраметцэнтры.
Уначы будзе 0..-6°С, днём пацяплее ў сярэднім да +1..+7°С. Не чакаецца ападкаў і ў чацвер 28 сакавіка. Ноч будзе прахалоднай - ад 0 да -5°С, днём паступова пачне цяплець: максімальная тэмпература паветра дасягне +5..+10°С.
Згодна з папярэднімі прагнозамі на Gismeteo.by, да канца тыдня ў рэспубліцы зноў пацяплее: так, па дадзеных на сёння, у пятніцу і выхадныя паветра ў сталіцы будзе прагравацца да +9..+11°С, у кожны з гэтых дзён будзе сонечна (але ў суботу магчымы невялікія ападкі).