Зязуля куе, лецечка чуе: як у Вязынцы вясну гукалі

Птушкі прыляцелі з выраю, прынеслі вясну на сваіх крылах - ды напрасткі ў Вязынку, дзе ўжо сабраліся і стары, і малады, каб яе завітаць.

Наведвальнікі свята, арганізаванага "Студэнцкім этнаграфічным таварыствам", маглі зазірнуць на кірмаш, палюбавацца на прыгожыя нацыянальныя строі, смачна паесці і, зразумела, удосталь паспяваць і патанцаваць.

Падрабязней пра традыцыі і абрады, якімі сустракалі вясну нашы продкі, чытайце ў матэрыяле "Саракі на парозе: прыкметы і традыцыі вясновага свята" і глядзіце на фота, як ужо павіталі вясну ў Строчыцах.

1 / 18

Птушкі, якія вяртаюцца з выраю, - прыкмета і сімвал надыхода сапраўднай вясны.

2 / 18

Па традыцыі свята галлё ўпрыгожваюць яркімі папяровымі птушкамі.

3 / 18

Гаспадыні робяць печыва ў выглядзе птушак і раздаюць родным і суседзям.

4 / 18

Дзяўчынкі спяваюць вяснянкі - песні, якімі вітаюць вясну.

5 / 18

Пераймаць галасы птушак можна з дапамогай вось такіх гліняных свістуляк.

6 / 18

Адна з любімых забавак моладзі з надыходам цяпла - гушкацца на арэлях.

7 / 18

Сонейка хоць ужо і свеціць, але пройдзе яшчэ час, пакуль яно пачне па-сапраўднаму прыграваць.

8 / 18

Сагрэцца заўсёды можна вясёлымі скокамі.

9 / 18

Агульны карагод сабраў усіх наведвальнікаў свята.

10 / 18

У народных уяўленнях карагод сімвалізуе сонечнае кола.

11 / 18

Шмат традыцыйных танцаў будуюцца на аснове карагода.

12 / 18

Вясна - гэта час прыгажосці, калі прырода пачынае квітнець.

13 / 18

На галінках ужо з'явіліся першыя "коцікі".

14 / 18

Той, хто ўмее весяліцца, будзе заўсёды шчаслівы.

15 / 18

Пасля такіх скокаў добра і пад'есці, каб аднавіць сілы.

16 / 18

На кірмашы кожны мог знайсці птушку, якая спадабалася б менавіта яму.

17 / 18

Сустракаліся нават чароўныя птушкі, якія зіхацелі на сонцы рознакаляровымі пацеркамі.

18 / 18

А вось гэтыя кранальныя птушачкі, здаецца, ужо выседжваюць яйкі.