МІНСК, 26 сак - Sputnik. Штармавое папярэджанне аб'яўлена на сераду 27 сакавіка ў трох абласцях Беларусі - Гродзенскай, Брэсцкай і Магілёўскай, паведамілі ў аўторак у Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя.
Па дадзеных сіноптыкаў, ноччу 27 сакавіка ў гэтых заходніх рэгіёнах чакаецца ўзмацненне ветру, хуткасць парываў якога будзе дасягаць 15-20 метраў у секунду.
У сувязі з неспрыяльнымі ўмовамі надвор'я аб'яўлены перадапошні, аранжавы ўзровень небяспекі.
Аранжавы ўзровень небяспекі аб'яўляецца ў выпадку, калі ўмовы надвор'я могуць прадстаўляць рэальную пагрозу, негатыўна ўплываць на сацыяльна-эканамічную дзейнасць і прыводзіць да значнага матэрыяльнага ўрону, а таксама магчымым ахвярам сярод насельніцтва.