У роліку сабраныя як ілюстрацыі першых грузавікоў МАЗ - 200-й серыі і папулярных у СССР 500-х, якія ў народзе празвалі "лобатыми", так і кадры сучасных машын, якія вырабляе аўтазавод.
"Не сосчитать по миру всех дорог, среди которых автобан и трассы. И крутит руль, порой, судьба и бог, но мчатся по дорогам наши МАЗы", - спяваецца ў гімне.
У роліку прысутнічаюць і каміёны каманды "МАЗ-СПОРТаўта", якія займалі высокія месцы ў прэстыжных міжнародных ралі-рэйдах.
"Дадзеная кампазіцыя прысвечана нястомнай і адказнай працы работнікаў завода, іх руплівасьці і ўнёску ў агульную справу", - гаворыцца ў подпісы да відэароліка.
Гісторыя Мінскага аўтазавода пачалася ў 1944 годзе, калі ў вызваленай Беларусі вырашылі наладзіць вытворчасць грузавікоў і ўжо два гады праз эксперыментальныя МАЗы выехалі на парад 7 лістапада. За ўсе гады аўтазавод выпускаў не толькі "грамадзянскія" грузавікі, але і спецтэхніку для арміі і аўтобусы. Завод таксама мае і багаты спартыўны "радавод" - ад гонак грузавікоў да трак-трыялу і ўдзелу ў ралі.